மொழி ரீதியாக ஈழம் உட்பட குமரிக்கண்ட நாடுகளின் தொடர்பு

தமிழ் வரலாற்று ஆய்வாளர்கள் தங்கள் ஆய்வு துனைகளாக பழைய சாசனங்கள், கல்வெட்டுக்கள் ,இலக்கியங்கள் போன்றவற்றைதான்  எடுத்து கொள்கிறார்களே தவிர அறிவியல் அம்சங்கள் மூலமாகவும் ஆராயலாம் என்பதை மறந்து விடுகின்றனர்.

உலகில் உள்ள அனைத்து உரினங்களும்  தனக்கு தெரிந்தும் தெரியாமலும் தன் முன்னோர்களின் தடையங்களை சுமந்து கொண்டுதான் இருக்கிறன.அப்படித்தான் மனித இனமும் காலம் காலமாக தங்களது இரத்த உறவுகளின் மரபணுக்களை சுமந்து கொண்டு இருக்கிறது.

உங்களுக்கு குமரிக்கும் மரபணுக்களுக்கும் என்ன சம்பந்தம் என நினைக்க தோன்றும். ..சம்பந்தம் இருக்கிறது ..அதுதான் "M130" எனப்படும் மரபணு  இந்த வகை மரபணுவானது சுமார் 60,000ஆண்டில் இல் இருந்து 70,000 ஆண்டுகள் பழமையானது (குமரிக்கால மரபணு). நாங்கள்தான்   இந்த மரபணுக்கு சொந்த காரர்கள்.இந்த பூரண மரபணு கொண்ட மனிதர்கள் குமரியின் பாகமாக இருந்த மடகஸ்கார் இந்தியா அவுஸ்திரேலியா(பழம்குடிகள்)ஆகிய பகுதியில் வாழ்த்து வருவது  இதுவரை செய்யபட்ட ஆராட்சிகளில் இருந்து தெரிய வருகிறது. (ஆதாரம் -"Michael Wood " என்ற பிரபல பிருத்தானிய  மரபணு ஆய்வாளர் BBC தொலைக்காட்சியில் இந்த தகவலை வெளியிட்டார்.)

இலங்கையில் "M130மரபணு  தொடர்பாக எந்த ஆராட்சியும் இது வரை தொடங்கவில்லை.ஆனாலும் புவியியல் ரீதியாக நாம் குமரியின் நடுப்பகுதியில் இருந்த படியால் நிச்சயம் அதன்  தாக்கம் நமக்கும் இருக்கும்.

உங்களுக்கு கேள்வி எழலாம்.அவுஸ்திரேலிய பழங்குடியினரும்குமரி வாசிகளா ,அவர்கள் தமிழையா(திராவிட மொழியையா) பேசினார்கள் என்று ? என்று. சந்தேகமே இல்லை அவர்கள் குமரி வாசிகள்தான் அவர்கள் பேசியது தமிழ் தான்.இன்னும் வரை சில தூய தமிழ் சொற்களை கூட பேசிக்கொண்டுதான் இருக்கிறார்கள்.

 எ. விருமாண்டி

முதலில் நாம் தமிழ் நாட்டில் இருந்து தொடங்குவோம்."M130" எனப்படும் மரபணு வின் பூரணத்தன்மை கொண்ட நபர்களை காமராசர் பல்கலைக் கழகத்தைச் சேர்ந்த டாக்டர் ராமநாதன் பிச்சப்பன் என்பவர் தமிழ் நாட்டில்  உசிலம்பட்டி பகுதியில் கண்டு பிடித்தார்.இதில்  எ. விருமாண்டி என்ற நபர் உட்பட 13 நபர்கள் M130 மரபணுவைக் கொண்டுள்ளதை கண்டு பிடித்தார்.. இதே மரபணுக்களை கொண்ட நபர்கள் மடகஸ்கார் நாட்டில் அதிகமாக காணப்படுகின்றனர்.

அவுஸ்ரேலியாவின் வடமேற்குப் பகுதியில் தற்போதும் வாழும் கரிறியா போன்ற ஆதிக்குடிகள்M130 மரபணுவைக் கொண்டு காணப்படுவது , குமரிக்கண்ட வாசிகளின் வழித்தோன்றல் என்பதையும்  அவர்களது மொழி , உருவத் தோற்றப்பாடு என்பன தமிழர்கள் என்பதையும் நிருபிக்கின்றன.

அவுஸ்ரேலிய பழம்குடியினரின் தோற்ற அமைப்பு தமிழரின் தோற்ற அமைப்புடன் முழுமையாக ஒத்து போகிறது.அதை விட அவர்களது மொழியிலும் தமிழ் (திராவிட )மொழியின் சாயலும் இலக்கண, ஒலியியல்  ஒற்றுமைகள் உள்ளது.

மேலும் அங்குள்ள சில ஆதிக்குடிகளின் சில இனக்குழுமங்களின் பெயர்கள் வியப்புத்தருவதாகவும் மேலும் ஆராயப்பட வேண்டியதாகவும் இருக்கிறது . அவையில் ஒரு குழுவின் பெயர்தான் குவேனி . இது இலங்கையின் இயக்கர் இனப்பெண்ணான (திராவிட பெண் )குவேனியின் பெயரை ஒத்திருக்கின்றது. இவரையே இந்தியாவின் கலிங்கத்திலிருந்து துரத்தப்பட்ட கலிங்கத்து இளவரசனான விஜயன்மணம் முடித்தார் என மகாவம்சம் கூறுகின்றது. மேலும் அவுஸ்திரேலிய ஆதிக் குடிகளின் சில குழுக்களின் பெயர்கள் நகர, நன, நந்தா, நங்கா, நகரியா, நகுரி, நகண்டி, நகம்பா என்று காணப்படுகின்றன. இலங்கையில் கூட நாகர் என்ற பண்டைய தமிழ் இனமும் காணப்படுகிறது .நாக என்ற சொல் இந்தியாவிலும் இலங்கையிலும் நிறைய சந்தர்பங்களில்  பாவிக்கப்படுவது நாம் அனைவரும் அறிந்தது.

இங்குதான் மொழியியல் அடிப்படையில் குமரிக்கண்ட நாடுகள் தொடர்பு படுவது நமக்கு புரிகிறது.

குமரி வரலாற்றில் ஈழத்தின் பங்கு என்ன-கடல் தின்ற நம் நிலம்-பாகம் மூன்று

.அழிந்த குமரிக்கும் ஈழத்திற்க்கும் என்ன சம்பந்தம்? 

இக்கேள்விக்கு பதில் குமரி இருந்ததாக கூறப்படும் இடத்தின் வரைபடத்தை பார்த்தாலே புரிந்து விடும்.மடகஸ்கார் அவுஸ்ரேலியா இந்தியாவை இணைத்த குமரியில் நடுப்பகுதிதான் இலங்கை.

இவற்றை புவியியல் ரீதியாக நிருபித்து விட்டாலும்...சுவாரசியாமான இன்னுமொரு ஆதாரமும் உண்டு.

சித்தர்கள் என்ற சொல் என்றும் தமிழர் வரலாற்றுடன் தொடர்புடையது. சித்தர்கள் என்பவர்கள் பல்துறை உயர் அறிவு கொண்டவர்களாக காணப்பட்டவர்கள் இன்றைய அறிவியலை விஞ்சும் சக்தி அவர்களிடம் இருந்ததாக சித்தர்கள் பற்றிய ஆராய்ச்சிகள் கூறுகின்றன.

நம் குமரிக்கண்டத்தில் இது வரை நான்கு சிறப்பு வாய்ந்த சித்தர்கள் இருந்திருக்கிறார்கள்

•             காகபுசுண்டர்

•             அகத்தியர்

•             போகர்

•             மகாவதார பாபா

நான் ஏன் சித்தர்களை பற்றி கூறினேன் என்றால் இந்த சித்தர்களின் ஒருவர்தான் குமரிக்கும் ஈழத்திற்கு பிணைப்பை உறுதி செய்கிறார்.

வாசித்த உடனே சில பேர் புரிந்திருப்பீர்கள் அது அகத்தியர்தான் என்று ..

அகத்தியரை குறு முனியாக அறிமுகப்படுத்தும் சமய புராணங்கள்,அகத்தியரது குறிப்புகளையையும் தகவல்களையும் மிகைபடுத்தல்களுடனும் புனைவுகளுடனும் தராமல் இல்லை.அது மட்டும் அல்லாது புராணங்கள் தவிர்ந்த சில இந்திய சித்தர்கள் பற்றிய குறிப்புக்களின் ஆணி வேர்கள் அகத்தியரில்தான் முடிகின்றன.

அகத்தியர் என்ற குமரிக்கண்ட  காலத்து மனிதர் சகலகலாவல்லவன் என்பதால் அவர் எந்த துறை சார்த்தவர் என்பதை வரையறுத்து கூறமுடியவில்லை.அவர் எழுதிய நூல்களை பற்றி எழுதப்போனால் குமரி க்கண்டம் பற்றிய தொடர் அகத்தியர் பற்றியதொடராக மாறிப்போகும்.

ஆதலால் வாருங்கள் நாம் நம் குமரிக்கே செல்வோம். அகத்தியர்தான் ஈழத்துக்கும் குமரிக்கும் இருக்கும் தொடர்புக்கு ஆதாரம் என்று சொன்னேன் அல்லவா?சில வேளை உங்களுக்கே தெரிந்திருக்கும் ஈழத்துக்கும் அகத்தியருக்கும் நெருங்கிய தொடர்புகள் இருக்கின்றன என்பது.

அகத்தியரின் ஈழத்து வருகை பற்றி கூறும் திருக்கரசை புராணம் மிகத்தெளிவாக அகத்தியர் ஈழ வருகை பற்றி கூறுகிறது.சில வேளை சிலர் திருகரசை புராணம் என்பதுபுராணம்தானே .அவைகள்  புனைவுகளும் கற்பனைகளும்தானே என்று கூறலாம். உண்மைதான் புராணங்களில் புனைவுகள் அதிகம்தான்.உறவுகளே ! கடந்த கால சம்பவங்கள் வரலாறுகள் ஆகின்றன.. காலம் செல்லச்செல்ல வரலாறுகள் இதிகாசங்களாகவும் புராணங்களாகவும் மாறுகின்றன .

இன்றுவரை திருகோணமலைப் பட்டினத்தில் இருந்து 23 மைல் தொலைவில் உள்ள மூதூர் பகுதியில் அமைந்துள்ள கங்குவேலியில்  (திருக்கரைசையம்பதி) கிராமத்தில் ஆதி சிவன் கோவில் காணப்படுகின்றது. அங்கிருந்து ஆறு கிலோமீற்றர் தொலைவில் அகத்தியர் ஸ்தாபனமானது மகாவலி கங்கைக் கரையில் வனப்பகுதியில்அமைந்துள்ளது

இங்கு அமைந்துள்ள கற்தூண்களும், அகத்தியர் ஆலயமும், சிவலிங்கமும், வரலாற்று சான்றுகள் பதிவு செய்கின்றன.(அகத்தியர் ஸ்தாபனத்தின் வரலாறு சோழர் காலம் வரை நீள்கிறது)

திருமலையை சென்றடைந்த அகத்தியர், அங்குள்ள கங்குவேலிப் பகுதியில் சிவலிங்கம் அமைத்து, தனது தவவலிமையால் கைலை மலையை வழமைக்கு கொண்டு வந்ததோடு, அங்கிருந்தவாறே சிவன் – பார்வதி திருமணத்தை தரிசித்ததாகவும் புனைவு கதைகள்  உள்ளன.

இதன் பின்னர் திருமலையில் வாழ்ந்த அகத்திய முனிவர், தற்பொழுது மாவிலாறு என்று அழைக்கப்படும் அகத்தியனாற்றில் பல்வேறு அற்புதங்களை நிகழ்த்தியதாகவும் ஐதீகங்கள் கூறுகின்றன.

இது போல இந்திய பெரும் கண்டத்திலும் அகத்தியரை பற்றி பல பல  தடயங்கள் உள்ளன.

இவை அனைத்தையும் இணைத்தால் குமரி என்ற புள்ளியில் முடிகின்றன.ஆகவே மிகக்சாதரணமாக புரிகிறது குமரி காலத்திலும் நம் இருப்பு ஈழத்தில் இருந்திருக்கிறது.

கடல் தின்ற நம் நிலம்- 2,குமரி அழிவு பற்றி கூறும் நம் தமிழ் இலக்கியங்கள்

குமரி அழிவு பற்றி கூறும் நம் தமிழ் இலக்கியங்கள்

தேடல்கள் எப்போதும் நம் இலக்குகளை அடைய செய்து விடும்.இது எல்லைக்கல் பகுதிக்கு நூற்றுக்கு இருநூறு வீதம் சரியாகி போய்விட்டது.தமிழர் வரலாற்றில் பல ஓட்டைகள் இருந்தாலும் அந்த ஓட்டைகள் அடைக்கபடாமைக்கு தேடல் இன்மையும் வரலாற்று ஆசிரியர்களில் ஒற்றுமையாக,நம்பத்தகுந்த ,பல்துறைகளிலும் வரலாற்றை நோக்காதது ஒரு காரணமாக இருக்கலாம்.

அவற்றை உடைக்கவே எல்லைக்கல் எல்லாத்துறை ஆதாரங்களுடன் நம் வரலாற்றை தேட ஆரம்பித்தது .சென்ற வாரம் குமரி எப்படி அழிந்திருக்கலாம் என்று அறிவியல் ரீதியாக பார்த்தோம்.உலகில் சில விடயங்கள் புதிராக இருந்தாலும் எங்கோ ஒரு இடத்தில் அதற்க்கான விடை இருக்கும்.என்னதான் நம் குமரி எனும் வரலாற்று புதையல் பற்றி நாம் அறிவியல் ஊகங்களை வெளியிட்டாலும் , எழுத்து மூலமான குறிப்புகள் எப்போதும் நம்ப தகுந்தவை.

குமரிக்கும் அப்படியான அழிவு குறிப்புக்கள் நம்முடைய முன்னோர்கள் பதிவு செய்து விட்டனர்.குமரி அழிவுக்கு பின் தப்பி பிழைத்த மற்றும் அதன் பின் வந்த மக்கள் தங்களது இலக்கியங்களில் பதிவு செய்துள்ளனர்.

இந்த இலக்கிய பதிவு தொடர்பாக ஆராய்ந்த “மொழிஞாயிறு ஞா.தேவநேயப் பாவாணர், பேரா.கா.சுப்பிரமணியப்பிள்ளை ஆகியோர் நமது பண்டைய பின்வருவன வற்றை கண்டு பிடித்தனர்.

 சிலப்பதிகாரத்தில் "பஃறுளியாறும்", "பன்மலை அடுக்கத்துக் குமரிக்கோடும்" "கொடுங்கடல் கொண்டது" பற்றிக் கூறுகின்றது.

    அடியில் தன்னள வரசர்க் குணர்த்தி

    வடிவே லெறிந்த வான்பகை பொறாது

    பஃறுளி யாற்றுடன் பன்மலை யடுக்கத்துக்

    குமரிக் கோடுங் கொடுங்கடல் கொள்ள

    வடதிசைக் கங்கையும் இமயமும் கொண்டு

    தென்றிசை யாண்ட தென்னவன் வாழி (சிலப். 11:17-22)

   புறநானுற்றில்  பாண்டியனை வாழ்த்தும் பொழுது

    "செந்நீர்ப் பசும்பொன் வயிரியர்க் கீத்த

    முந்நீர் விழவின் நெடியோன்

    நன்னீர்ப் பஃறுளி மணலினும் பலவே" (புறம் 9)எனவும்.

வேறு ஒரு இடத்தில்

“ தெனாஅ துருகெழு குமரியின் தெற்கும்"

 "குமரியம் பெருங்துறை யயிரை மாந்தி" (புறம் 6:67)

இரண்டாம் சங்கம் இருந்த காலத்தில் கபாடபுரம் என்ற தலைநகரம் அழிந்த பின்னரும் குமரி ஆறு இருந்ததென்பதை தொல்காப்பிய சிறப்பு வரி,

"வட வேங்கடந் தென்குமரி"எனவும்.

 கலித்தொகையில்

 "மலிதிரை யூர்ந்துதன் மண்கடல் வௌவலின்

மெலிவின்றி மேற்சென்று மேவார்நா டிடம்பட" (கலித். 104)எனவும் குறிப்பிடுபவை

 குமரிக்கண்டத்தை கடல்கொண்டதை குறிக்கிறது என்றும் தமிழ் ஆய்வாளர்கள் தெரிவிக்கின்றனர்

இவ்வாறு குமரி அழிவு பற்றி கூறப்பட்ட இலக்கியங்களின் உண்மைதன்மைகள் கேள்விக்குரியவைதான் .(எல்லா இலக்கியங்களும் அப்படித்தான் இன்றுவரை ) ஆனாலும் இலக்கியங்கள் மக்கள் வாழ்வியலையும் மனத்தாக்கங்களை அடிப்படையாக கொண்டு எழுபவைதான்.குமரி அழிவு என்பது நிச்சயம் அம் மக்களை பாதித்து இருக்கும். அதன் வெளிப்பாடுகளாகத்தான் இவை இருக்கும்.

கடல் தின்ற நம் நிலம்

கடந்த வாரங்களில் மலை முரசில் வெளிவந்த  எல்லைக்கல் பகுதிக்கான தேடலில் முடிவு

எங்கள் வரலாற்றை தேடிக்கொண்டிருக்கும்  எல்லைக்கல்  கி.மு  20000 ஆண்டுகளுக்கு முன்னரான நம் வரலாற்றை இவ்வாரத்தில் இருந்து தேடத்தொடங்குகிறது.

இதுவரை இலங்கை தமிழர் வரலாறு என்பது இன்று வரை கிடைக்கபெற்ற கல்வெட்டுக்கள் ,பாளி நூல்கள் ,மற்றும் சில பிற்கால வராலற்று குறிப்புக்கள் அடிப்படையாக கொண்டுதான் தீர்மானிக்கப்படுகின்றன.

எது எவ்வாறாயினும் ஈழத்தின் வரலாறு சொல்லும் பாளி நூல்களின் காலத்துக்கு முன்னரான  எம் வரலாறு என்ன?

இலங்கை வரலாறு கூறுவதாக சொல்லப்படும்  பாளி நூல்கள் அனைத்தும்  கி.பி 3ம் நூற்றாண்டுக்கு பிறகு நடந்த வரலாற்று விடங்களைத்தான் கூறுகின்றன.இக்காலப்பகுதிக்கு முன்னரான எம் வரலாற்றை தேட நாம் எந்த காலப்பகுதியை எடுத்துகொள்ள போகிறோம் என்ற பிரச்சனை இருக்கிறது.எதற்கெடுத்தாலும் நாம் 2000,3000 ஆண்டு பழமையானவர்கள் என்ற பழங்கதையை விட்டு அறிவியல், மானுட ரீதியில் நம் வரலாற்றை தேடினால் என்ன?

உலகில் அநேகமான இனங்களின் உருவாக்கமும் அவர்களின் தாய் நிலங்களும் இனம்காணப்பட்டு விட்டன.ஆனால் தமிழர்களில் உருவாக்கம் இன்னும் வரலாற்றுக்கு சூனியமே.அதிலும் இலங்கை தமிழரின் உருவாக்கம் மற்றும் தாய்நிலம் தொடர்பான வரலாறு  இன்றுவரை மறைப்பெருமதியில்தான்.தமிழர்(திராவிடம்) என்ற இனம் உலகில் தோன்றிய முதல் குடி என்பதால் என்னவோ அவர்கள்  உருவாக்கத்தை தேடினால் தேடல்கள் நீண்டு கொண்டே செல்கின்றன.

ஆனாலும் ஸ்காட் எலியட்' (W. Scott Elliot) போன்ற  சில வெளிநாட்டு ஆராய்ச்சியாளர்கள் நம்முடைய தாய் நிலத்தை அறிவியல் ரீதியாக கிட்டதட்ட நிருபித்து விட்டனர்.

கி.மு. 17000 – 10000 காலப்பகுதியில் கடல்கோளினால் அழிக்கப்பட்டு இன்று அமைதியாக கடலுக்குள் உறங்கிக்கொண்டிருக்கும் அன்றைய காலத்தில் பிரமாண்டமாக இயங்கிகொண்டிருந்த குமரிக்கண்டம்தான்(லெமூரியாக் கண்டம்) அவர்கள் கூறும் நம் தாய் நிலம்.

 குமரிக்கண்ட அறிமுகம்

.கி.மு. 17000 - 10000 ஆண்டுகளுக்கு முன்னர்  உலகிற்கு கலாச்சாரத்தை பாரிய நிலப்பரப்பில் இருந்து கொண்டு உற்பத்தி செய்த தமிழ் பேசும்  கூட்டத்தாரின் நிலப்பகுதிதான் இந்த குமரிக்கண்டம்.இன்று தனி நாடுகளாகி இருகின்ற இலங்கை, இந்தியா ,மடகஸ்கார் ,அவுஸ்திரேலியா போன்ற நாடுகளின் நிலப்பகுதியை உள்ளடக்கியதுதாக காணப்பட்டது.

1960-ம் ஆண்டு அமெரிக்கா பிரான்ஸ் ரஷ்யா ஆகிய நாடுகள் கூட்டாக குமரிக் கண்டத்தை ஆராய்ந்தது. அப்போது தான் கடலுக்குள்  மலைகளும் நீரோட்டங்கள் சில கட்டிட எச்சங்களும்   இருப்பது தெரிய வந்தது. அதன் பிறகு அமெரிக்க தொல்லியல் ஆராய்ச்சியாளர்கள் குமரிகண்டத்தின்  வரைபடத்தை வெளியிட்டனர்

குமரிக்கண்டத்தின் நாடுகளும் நகரங்களும்  

இக் கண்டம் எழு நாடுகளாக அமைந்து காணப்பட்டன அவையாவன ,

·         ஏழு தெங்க நாடு

·         ஏழு மதுரை நாடு

·         ஏழு முன்பலை நாடு

·         ஏழு பின்பலை நாடு

·         ஏழு குன்ற நாடு

·         ஏழு குனக்கரைநாடு

·         ஏழு குறும்பனை நாடு

இவ் ஒவ்வொரு நாடுகளுக்குள்ளும் இன்றைய ஈழம்  உள்ளடக்கி 49 மாநிலங்கள் இருந்ததிருக்கிறது . அதில்,வடமதுரைதான் இதன் முதல் தலைநகராக இருந்தாதாக கூறப்படுகிறது.அது மட்டும் அல்லாது

·         தென்மதுரை

·         கபடாபுரம்

·          முத்தூர்

என்பன முக்கிய நகரங்களாக இருந்திருக்கின்றன.

சென்ற வார தொடர்ச்சி ......

கடலின் ஆழத்தில் புதைந்து காணப்படும் வரலாற்று புதையல்களில் மர்மங்களும் புதிர்களும் நிறைந்தது குமரிக்கண்டம்.இது வரை காலமும் குமரி தொடர்பான ஆராட்சிகளில் இடுபட்ட இந்திய மற்றும் மேலைநாட்வர்கள் ஒன்றுக்கொன்று முரணான கருத்துகளை வெளியிட்டுள்ளனர். ஆனால் குமரிக்கண்டம் என்ற தமிழ் கண்டம் இருந்ததை யாராலும் மறுக்க முடியாது.எது எவ்வாறாயினும் எல்லைக்கல் 20000 வருடம் பழமையான  புதிரை அவிழ்க்க முனைகிறது.

குமரிக்கண்ட அறிமுகம்

.கி.மு. 17000 - 10000 ஆண்டுகளுக்கு முன்னர் உலகிற்கு கலாச்சாரத்தை பாரிய நிலப்பரப்பில் இருந்து கொண்டு உற்பத்தி செய்த தமிழ் பேசும்  கூட்டத்தாரின் நிலப்பகுதிதான் இந்த குமரிக்கண்டம்.இன்று தனி நாடுகளாகி இருகின்ற இலங்கை, இந்தியா ,மடகஸ்கார் ,அவுஸ்திரேலியா போன்ற நாடுகளின் நிலப்பகுதியை உள்ளடக்கியதுதாக காணப்பட்டது.

1960-ம் ஆண்டு அமெரிக்கா,பிரான்ஸ்,ரஷ்யா ஆகிய நாடுகள் கூட்டாக குமரிக் கண்டத்தை ஆராய்ந்தது. அப்போது தான் கடலுக்குள்  மலைகளும் நீரோட்டங்களும் சில கட்டிட எச்சங்களும் இருப்பது தெரிய வந்தது. அதன் பிறகு அமெரிக்க தொல்லியல் ஆராய்ச்சியாளர்கள் குமரிகண்டத்தின்  வரைபடத்தை வெளியிட்டனர்.

அதில் குமரிக்கண்டத்தின் நாடுகளும் நகரங்களும் மலைகளும் ஆறுகளும் குறிக்கப் பட்டன.

குமரிக்கண்டத்தின் நாடுகளும் நகரங்களும் 

இக் கண்டம் எழு நாடுகளாக அமைந்து காணப்பட்டன அவையாவன ,

•              ஏழு தெங்க நாடு

•              ஏழு மதுரை நாடு

•              ஏழு முன்பலை நாடு

•              ஏழு பின்பலை நாடு

•              ஏழு குன்ற நாடு

•              ஏழு குனக்கரைநாடு

•              ஏழு குறும்பனை நாடு

இவ் ஒவ்வொரு நாடுகளுக்குள்ளும் இன்றைய ஈழம்  உள்ளடக்கி 49 மாநிலங்கள் இருந்ததிருக்கிறது . அதில்,வடமதுரைதான் இதன் முதல் தலைநகராக இருந்தாதாக கூறப்படுகிறது.

அது மட்டும் அல்லாது தென்மதுரை ,கபடாபுரம் ,முத்தூர் என்பன முக்கிய நகரங்களாக இருந்திருக்கின்றன.

குமரிக்கண்டத்தின் மலைகளும் ஆறுகளும்

குமரி கண்டத்தின் ஒரு அங்கமாக இருந்ததுமான  இன்று  இந்து சமுத்திரத்தின் ஆழத்தை குறைத்து கொண்டு குமரிக்கோடு,மணி மலை என்ற  இரு மலைகள் காணப்படுகின்றன.குமரிக்கண்டத்தில் காணப்பட்ட பொதிகை மலை(தமிழ்நாடு) மற்றும் சிவனொளிபாதமலை(இலங்கை)இன்றும் நம் கண்முன்னே. 

அதுமட்டும் அல்லாது குமரிக்கண்டதில் பறுளி,குமரி என்ற இரு பாரிய நதிகளும் இருந்திருக்கிறது.

இதில் ஒரு முக்கியமான விடயம் என்னவென்றால் இதில் குறிப்பிட்ட நகரங்களும் ஆறுகளும் மலைகளும் இன்றுவரை கண்டு பிடிக்கப்பட்டவதான். 

உலகம் உண்டாக காரணமாக இருந்த பிரபஞ்ச பெரு வெடிப்பில் இருந்து உலகம் ஒரே  மாதிரியாக இருக்கவில்லை.அப்படி இருந்திருந்தால் மனிதன் என்ற விலங்கு உட்பட எந்த உயிரினங்களும் இந்த பூமியில் தோன்றி இருக்காது.பூமியின் பௌதிகமும் காலநிலையும்  மாற பூமியும் மாறி கொண்டு வந்திருக்கிறது.

அப்படியான பல மாறுதல்கள் நம் குமரிக்கண்டத்தை கடலுக்கு கொடுத்து விட்டன.

நம் குமரிக்கண்டதிற்கு என்ன நடந்தது?பரந்து விரிந்த பாரிய நிலப்பரப்பு ஒரே இரவில் கடலுக்குள் சென்றுவிட்டதா?

இந்த பிரபஞ்சத்தில் உள்ள எல்லா பொருட்களில் உருவாக்கங்களும் கேள்விக்கு உரியவைதான்.அப்படியான ஒன்றுதான் நம் பூமியும் .இது உருவாகிய காலத்தில் இருந்து ஏதோ ஒரு மாற்றத்தை உள்வாங்கி கொண்டுதான்  வந்திருக்கிறது.இந்த மாற்றங்களுக்குரிய காரணத்தை சரியாக வரையறை செய்ய இக்கால விஞ்ஞானத்தால் கூட முடிய வில்லை.ஏதோ ஒரு சக்தி நம் பூமியை ஆட்டிப்படைக்க நம் பூமியும் அதன் சொல்ப்படி நடந்து கொண்டு இருக்கிறது.

குமரியை எப்படி கடல் தின்றது?

குமரிக்கண்டம் கண்ட அழிவு குறிப்பிட்ட ஒரு நாளிலோ அல்லது ஒரு நேரத்திலோ இடம்பெறவில்லை.அது கட்டம் கட்டமாக பல்லாயிரம் ஆண்டுகள் தொடர்ந்து நிகழ்ந்த பூமியின் காலநிலை மற்றும் பௌதிக மாற்றங்களால் நிகழ்திருக்கிறது.

எந்த நிகழ்வு முதலில் ஏற்பட்டது என்பதை கூற முடியாவிட்டாலும்..காரணங்களை என்னவென்று புவியியல் மற்றும் அறிவியாலார்கள் கருத்தின் அடிப்படையில் கூறமுடியும்..

, உலகத்தில் வாழும் உயிரினங்கள் மற்றும் பஞ்ச பூதத்தின் அங்கங்கள் எல்லாம் சக்தி மயத்தால் முறையே ஓர் ஒழுக்க நியதியைப் பின்பற்றி இயங்கினாலும், அவற்றின் இயக்கத்திலும் வடிவத்திலும் தொடர்ந்து மாறுபாடுகள் நிகழ்ந்து கொண்டுதான் இருக்கின்றன.

அப்படி குமரிக்கண்டம் அழிய தொடங்கிய காலப்பகுதியான கி.மு. 17000 – 10000 காலப்பகுதியில் இருந்து பல பாரிய புவியியல் மாற்றங்களை இந்த உலகம் காணத்தொடங்கி விட்டது.இன் நாட்களில் குமரியில் மட்டும் அல்ல உலகின் பல பகுதிகளில் மாறுதல்கள் ஏற்பட தொடக்கி விட்டது

அவ்வாறு குமரிக்கண்டம் அழிவதற்கு என்ன காரணங்கள் இருந்திருக்க முடியும் வாருகள் பயணிப்போம் குமரியின் அழிவு நாட்களை நோக்கி ...

நான் குறிப்பிட போகும்  காரணங்கள் அனைத்தும் இதுவரை புவியியல் ஆராய்ச்சியாளர்களால் நிருபிக்கபட்டவை.

பல மூலக்கூறுகளில் இணைவுதான் நாம் வாழும் பூமி.அதிலும் பூமியில் உள்ள கடல்களும்  நிலப்பரப்புக்களும் பல முலக்கூறுகளை கொண்ட புவித்தட்டுக்கள் மேல்தான் உள்ளன. இப் புவிதட்டுக்கள் இணைத்தவை அல்ல இவை அனைத்துக்கும் இடையில் சிறிய இடைவெளி காணப்படும்.அதுமட்டும் அல்லது இவ் இடைவெளிகளுக்கு இடையில் சிறிய அசைவு காணப்படும்.அவ் சிறிய அசைவு, பாரிய அசைவாக உருவாகும் போது  நிலநடுக்கமாகவோ அந்த நிலநடுக்கம் ஆழிப்பேரலையாகவோ உருவாகும்.இது நாம் எல்லோரும் அறிந்த விடயம்.

குமரிக்கண்டம் இருந்த பகுதியில் நான்கு புவித்தட்டுகள் இணைவுகள்  காணப்படுகின்றன.இப்பகுதியில்  நிலநடுக்கம் உண்டாக்குவதற்கு சாத்தியங்கள் மிக மிக  அதிகம்.

அவ்வாறன புவித்தட்டு பாரிய அசைவுகள் தொடர்ந்து இடம் பெரும் போது.

இரண்டு இயற்கை அழிவுகளை ஏற்படுத்தி இருக்கலாம்.

ஒரு காரணம்  பாரிய நிலத்தட்டு அசைவு (நிலநடுக்கம்)மிகப்பெரிய  ஆழிப்பேரலையை உண்டாக்கி இருக்கலாம்.

இரண்டாவது காரணம் நிலத்தட்டுக்கள் அசைவு காரணமாக பாரிய நிலப்பிரிவு ஏற்றபட்டு கடல் நீர் உட்புகுந்திருக்கலாம்.

அதுமட்டும் அல்லாது அறிவியாலார்கள் இன்னும் ஒரு காரணத்தை சொல்லுகின்றனர் பத்தாயிரம் ஆண்டுகளுக்கு முன்பிருந்த பனி யுகத்திற்கு பின் வெப்பம் மிகையான காலத்தில் பனிப் பாறைகள் உருகி கடல் மட்டம் மெதுவாக படிப்படியாக உயர்ந்து தாழ்வு நிலநடுக்கத்தால் உண்டான பிளவுகளுக்குள் கடல் உட்புகுந்து குமரிக் கண்டம் மூழ்கிப் போயிருக்கலாம்.

இவ்வாறன இயற்கை அழிவுகள் மற்றும் நம் அறிவுக்கு எட்டாத பல நிகழ்வுகள் பல தடைவகள் ஏற்பட்டதால் குமரிக்கண்டம் கொஞ்சம் கொஞ்சமாக கடலுக்குள் சென்றிருக்கிறது.

இன்னும் தேடுவோம் தோழர்களே !!!!!!!